Mimi ni chungwa. Umbo langu ni la duara. Rangi yangu ni ya njano inayon'gaa. Ni tajiri mkubwa wa vitamini C. Ndani yangu nina mbegu ndogondogo zinazonizunguka.

Mimi ni embe. Umbo langu ni la mviringo lenye ncha iliyochongoka upande mmoja. Rangi yangu ni ya chungwa inayon'gaa. Ndani yangu nina mbegu moja kubwa inayoitwa kokwa. Nina nyuzinyuzi zenye ladha tamu sana. 

Mimi ni fenesi. Ni tunda la pili kwa ukubwa. Nina umbo la mviringo. Rangi yangu kwa nje ni ya kijani kibichi na kwa ndani ni ya njano. Ngozi yangu ni ngumu na yenye miiba mingi midogomidogo.

Mimi ni nanasi. Umbo langu ni la mviringo. Juu ya kichwa changu nina taji la kifalme ambayo ni majani yangu. Ngozi yangu ni ngumu na yenye miiba midogo midogo iliyosambaa kila upande. Nina ladha tamu na harufu nzuri ya kupendeza.

Mimi ni ndizi. Umbo langu ni la mcheduara. Rangi yangu ni ya njano. Nina ladha tamu na laini. Napenda kukaa na wenzangu kwenye shina moja linaloitwa mkungu wa ndizi.

Mimi ni parachichi. Umbo langu ni la mviringo. Rangi yangu kwa nje ni kijani iliyokoza na kwa ndani ni kijani kibichi. Nina ladha tamu na laini. Ndani yangu nina mbegu kubwa ambayo haifai kuliwa.