Parada

Në muajin Janar,

Behej missi i parë .

U mblodhën grupe me shoqe

Kafshët bukuroshe .

Në juri Arusha

vlerësonte Lepurushen ,

ndërsa Luanesha

votonte Ketrushen .

Nuk zgjat shumë dhe u mor vendimi.

Miss na doli ,shëmtira Mini.

Vetullat rrudhën të gjithë

e supet ngritën lart ,

se askush nuk kuptoi ,

votat nga i fitoi ?

Si u bë Miza ,buall

Po shëtitnin nëpër natë

nja 5 qenër të gjithë bashkë.

Pa s'lanë kënd pa e shqetësuar

s'mbeti kafshë pa na u zgjuar .

Që të gjithë na i pyetën :

-Pse me zhurma ata i mbytën?

-Po c'të themi o miq te mjerë ?

Jemi bërë të gjithë vrerë .

Keni parë ,a keni dëgjuar ?

Na është bërë Miza ,buall.

Guri dhe Këpuca

Gurin tek e përplaste tej Këpuca

nervozohet e zë grushta.

-Cfarë ke që më shqetëson

-e pyet Këpuca tek kalon ?

Çfarë shqetësimi moj idiote?

Më përplase në çdo qoshe .

Hajde se unë nuk të dhimbsem ,

po ti vetë nuk ke frikë se prishesh ?

Miushët

Nje ditë , nje miushe

një mi sheh tek krekosej

që për bukurinë që kishte

fillon të llafoset .

Ç'ke që më shikon ?

A mos bukuria ime të huton ?

-e pyet me krenari

miushi faqezi

-Jo , o mi i dashur.

Ti dot s'më huton .

por me mend po thoja ,

ty tek të shikoja

"Gjithë kjo hundë e shkretë ,

si nuk të fluturon përpjetë ?"

Ketrushët

Në stolat e pyllit

studionte Ketrushi

lodhej duke mësuar ,

sa i vinte gjumi .

I sillej rreth e rrotull

e tallej me të,

miku i tij ngushtë

që kishte kokën gdhe.

-Pse lodhesh o vëlla ,

që mëson çdo ditë?

Ç'të duhet shkolla vallë?

Të ruash në mal dhitë?

-Të drejtë ke ,o mik

që thua kështu ,

se sot pyllin drejtojnë

kafshët e patru .

Dyluftimi

Na fillojnë dy luanë

që të grinden me njëri-tjetrin.

Dzluftimin na e bënë

për të fituar pushtetin.

-Çfarë ke ti me mua

që dot s'më le të qetë?

Mos vallë të dukem si hua ,

apo s'të pëlqej si mbret ?

-na e pyet me ngut

luani më i butë.

-Jo ,o mik i vjetër ,

-i përgjigjet luani tjetër

(me putër tek e gërvishte ,

sytë që t'ia nxirrte )

Një natë tek po mendoja

pushtetin ëndërroja

dhe me mend dhashë fjalën :

Që mbreti ,mua të më falet .

Se unë do jem i parë

e s'do ketë të dytë

e nëse është nevoja ,

do ia nxjerr dhe sytë.

-Meqë shtiresh për politikan,

-i thotë luani i butë ,

-duhet të jesh hajvan

meqë s'të donë as të tutë.

Duhet të kesh besim

tek luani -mbret

që në gjithë keto vite

nuk e le të bëjë punën e vet ,

i tha me kokën lart

mbreti i respektuar plak.

Peshqit

Peshku Krap i thotë Merlucit :

-e shikon ,o mik i vjetër

që çdokush më do patjetër?

Po unë nuk jam si puna jote ,

nuk përfundoj në cdo rrjetë,

por vetëm në ato boshe .

Merluci qesh e thotë me zë të lehtë :

-Krapi ,krap është, e po krap do mbetë .

Miushi

Një mi i ngordhur ,

na u ngjall.

Luftë të tjerëve

na i shpall.

Ishte mbathë e pispillosë

i tha mendja se ish boss

Pa s'la kënd pa e ngacmuar

i tha mendja ,se Tokën kish çliruar.

Pa përplasej me çdokënd

s'i bëhej vonë për askënd .

Por një ditë, lumin tek priste,

na ra brënda me gjth' ç'kishte .

Nga i ngjallur ,na u ngordh ,

se not s'dinte miu i gjorë.

Reja Bu-Bu,Dielli dhe eraFju-Fju

Diellin me zili tek shihte,

reja e zezë Bu-Bu,

nga inati pëlciste.

U nxi e tëra ç’ishte,

E shfryu me rrebesh

“Dielli është me i keq

nga mua,

sot ai s’do qeshë !”

Tek fliste kështu,

e dëgjoi era Fju-Fju.

Ajo buzëqeshi pak

dhe e mori më vete .

E freskoi ngadalë,

pastaj i tha në vesh:

“Se një dite vere,

dielli,duhet patjeter

të qeshë.”